މާދަމާ
އިމްތިޙާން! ދެން ކީއްކުރާނީ؟
އާދަމް ޒާހިރު
(2018 ސެޕްޓެމްބަރ)
ހައްދަވާ
ބޮޑުކުރެއްވި ﷲ! ދިވެހި ދަރިން ހަދާ އިމްތިޙާންތައް އެ ދަރިންނަށް
ލުއިކޮށްދެއްވާނދޭވެ!. އެ ދަރިން ދަސްކުރި އެއްޗެއް އިމްތިޙާނުގެ ވަގުތު ހެޔޮ
ޖަވާބާއި ހުނަރު އެ ދަރިންގެ ސިކުނޑިއަށާއި ވިސްނުމަށް ގެނެސްދެއްވާނދޭވެ!.
އާމީން.
އިމްތިޙާނެއްގެ
ވަގުތު އައިސް ކައިރިވުމުން ދެން ކުރާން އެންމެ ރަނގަޅު ކަންކަން ތަޢުލީމީ
ތަރުބިއްޔަތާބެހޭ ޢިލްމުވެރިން ހާމަކުރެއެވެ. އެބައިމީހުން ބުނާގޮތުގައި
އެއްދުވަހަށް ގާތްވުމުން:
1- ނަފުސާނީގޮތުން
ދުޅަހެޔޮވުމަށް:-
·
އަޅުކަން ޤަވައިދުން (ފަރުޟު ފަސްނަމާދު) އަދާކުރާށެވެ!
·
ކޮންމެ ނަމާދަކަށްފަހު ދުޢާކުރާށެވެ!
·
މަންމައާއި ބައްޕަ އަށް ހީނލައި ސަލާމްކުރާށެވެ!
·
މާމަ ކާފަ ކޮއްކޮ ބޭބެ ދައްތަފަދަ އެންމެނާ
ހީނލައިފައި ގޮވައިލައި ސަލާމްކުރާށެވެ!
·
އިމްތިޙާނަށް ދިއުމުގެކުރިން ދެ ރަކްޢަތް
ނަމާދެއްކޮށް ދުޢާކުރާށެވެ!
·
އިމްތިޙާނަށް ކިޔަން، ފެށުމުގެކުރިންވެސް ދެ
ރަކްޢަތް ނަމާދެއްކޮށް ދުޢާކުރާށެވެ!
·
އަބަދުވެސް މަންމަގެ ލޯބި ހޯދައި މަޢާފަށް
އެދޭށެވެ!
·
ގަޑިންގަޑިއަށް ހެއު މިންވަރަށް ކައި ބޮއި
ހަދާށެވެ!
·
ހެނދުނު ތެދުވެ ހޫނު ބުއިމަކުން އަރުތެރެ
ސާފުކޮށްލާށެވެ!
·
އާންމު މިނަކަށްވުރެ ގިނައިން ފެން ބޯށެވެ!
·
ފޮނި ކެއުމަށް ދެގަޑިން ދެގަޑިން މަދުން
ކައިލާށެވެ!
·
ދޮންކޭލާއި ކެޝޫނަޓާއި އޮރެންޖަކީ އުނގެނުމުގެ
ގުނަންތަކަށް އެހީތެރިވާ ކާނާއެކެވެ!
·
ސާފުތާހިރުވެގެން ވުޟޫމަތީ ހުންނާށެވެ!
·
ދަސްކުރުމުގެ ވަގުތު ރީތިވެލައިގެން އިންނާށެވެ!
·
އަވަހަށް ނިދައިފައި ފަތިހު ތެދުވެ
ފިލާވަޅުތައް ބަލައި ކިޔައިލާށެވެ!
·
ރޭ ދަންވަރު ކޮފީއަށް އަޅުދާސްތުވެގެން ހޭލައި
އިންނަން ނުވިސްނާށެވެ!
2- ކުރެވި ދިޔަ މަސައްކަތަށް ޝުކުރުވެރިވެ ހަމަޖެހިލާށެވެ! އެއަށްފަހު؛-
·
ކުރި ނޯޓުތަކާމެދު ވިސްނައިލާށެވެ!
·
ކިޔުނު ބައިތަކުން އެހެން ކުއްޖަކަށް،
ސާބިތުކަމާއެކު ބުނެދޭށެވެ!
·
ދުވަހެއްވަރަށް ގާތްވީމާ ހުރިހާ
ލިޔުންތައް ގަނޑުތައް އެކުގައި ކިޔަން ނުވިސްނާށެވެ!
·
އިމްތިޙާނަށްބޭނުންވާ ސާމާނާއި
ގެންދަންޖެހޭ ތަކެއްޗާމެދު ވިސްނައި ހަމަޖެހިލާށެވެ!
·
އެނގިފައިވާ ބައިތަކާމެދު ސަމާލުވެ
އުފާކުރާށެވެ!
·
ކުޑަކޮށް ކަސްރަތުކޮށްލާށެވެ!
·
ނޯޓްތައް ބަލައިލުމުގެ ކުރިންވެސް
ހަމަޖެހިލުމަށް ސިކުނޑި ބައިވެރިވާ ކަމެއް ކޮށްލާށެވެ!
3- ކޮންމެހެން
ހުއްޓައިލަންޖެހޭ ކަންކަމާ ދުރުވާށެވެ! މި ކަމަށްޓަކައި:-
·
ބޮޑު ގުރޫޕަކާއެކު މަޝްވާރާ ނުކުރާށެވެ!
·
ކަނޑައެޅިގެން ފިލާވަޅުތަކަށް ބީރައްޓެހި
ކުދިންނާ މަޝްވާރާ ނުކުރާށެވެ!
·
ބަރު ކުޅިވަރުތަކާ ދުރަށްޖެހިލާށެވެ!
·
ފިލްމު ބެލުމާއި ސޮފްޓް ކުޅިވަރުތައް ކުޅުމާ
ދުރުވެލާށެވެ!
·
އެއްކަމެއްގައިވެސް ވިސްނަންޖެހޭހެން ގިނަވަގުތު
މަޑު ނުކުރާށެވެ!
·
ނޯޓްތައް ބަލައިލުމަށް އެކުވެރިންނާ ދުރު އަޑު
މަޑު ހިމޭންތަނެއް ޚިޔާރުކުރާށެވެ!
·
ފޯނާއި ޓީވީއާއި ރޭޑިޔޯފަދަ ތަކެތި
ނިވައިލައިފައި ނޯޓްތައް ބަލަން އިށީންނާށެވެ!
·
ހަމަޖެހިގެން އިނދެވޭފަދަ ހެޔޮ މާޙައުލެއް
ޚިޔާރުކުރާށެވެ!
4-
ދިރާސާއަށް ބޭނުންވާ ސާމާނު ޖަމާކޮށް
އެއްކުރާށެވެ! މިކަމަށްޓަކައި އެއްކުރާނީ:-
·
އުގެނުމަށް ބޭނުންވާ ލުއި ސާމާނު
·
ޑިކްޝަނަރީ ނުވަތަ ބަސްފޮތްފަދަ
ކިޔުންތައް
·
ހަދައިފައި ހުރި ކުރު ނޯޓްތައް
·
ގަލަންތަކާއި ފަންސުރު ރަނބަރު
ފަތިގަނޑުފަދަ ތަކެތި
·
ނޯޓްކަރުދާސް ރެކޯޑްކުރި އެއްޗެއް
ވާނަމަ އެ އެއްޗެއް
·
އިމްތިޙާނަށް ގެންދަންޖެހޭ ސާމާނު
·
ސްކޫލަށް ވެއްދޭފަދަ ފެން އަޅާނޭ
ފުޅިއެއް
5- ކޮންމެހެން
ނުކުރާންވީ ކަންތައްވެސް އެބަހުއްޓެވެ. އޭގެތެރޭގައި:-
·
މައިންބަފައިން އާއިލާ މީހުން ހިތުގައި
ޖެއްސުން
·
ނަފުރަތުވުމާއި ރުޅި އިސްކުރުން
·
ފޮތްކިޔުމަށް އޮށޯވެތިބުން
·
އެކި ދުވަހު އެކި ތަނުގައި ތިބެ ދަސްނުކުރުން
·
ހެޑްފޯނުގައި ތިބެ ލަވަފަދަތަކެތި އަޑުއަހަމުން
ދަސްކުރުން
(މިބައި
ނިމުނީ)
