އަޅެ މަޒުމޫނު ލިޔެވޭނެތަ.... މަސައްކަތުގެ ޖަވާބު Alhe mazumoonu liyeveynetha masakkathuge javaabu

ކިޔަވާކުދިންގެ ކިބައިން ފެންނަންޖެހޭ ރިވެތި އާދަތައް

ނޯޓް: މިއީ ކުރިން ދީފައި އޮތް މަސައްކަތަށް ލިޔެވިދާނޭ ޖަވާބެކެވެ. ވިސްނައިގެން ކިޔައިލާށެވެ!

ޤައުމެއްގައި ދަރިވަރުނީ ދިރުމޭ ރޫޙެއް ވި ހިނގާ

އައުދާނައިން   މާޒީއަށް  ވަޠަނާއެކު ތިބެގެންދާ

        

އާދޭހެވެ. ކިޔަވާކުދިންނަކީ ޤައުމުގެ ދިރުމެވެ. ޤައުމުގެ މުސްތަޤްބަލް ދިރުވައިދޭ ފުރާނައެވެ. އިބްރާހީމް ޝިހާބު ވިދާޅުވެފައިވާ ފަދައިން "ކިޔަވާކުދިންނަކީ އެ ބައެއްގެ އަތްމައްޗަށް ޤައުމުގެ ހުންގާނު ދޫކޮށްލަން ތަރުބިއްޔަތުކުރާ، މާދަމާގެ ބޮޑެތި މީހުންނެވެ" ވީމާ އަދުގެ ދިވެހި ދަރިވަވަރުން ތަރުބިއްޔަތުވާންޖެހޭނީ މާދަމާ އެ ކުދިން އަދާކުރަންޖެހޭ ވާޖިބުތައް އަދާކުރެވޭފަދަ ހެޔޮ ތަރުބިއްޔަތެއް މި ޢުމުރުގައިވެސް އަޅައިގެންނެވެ. އެކަން ދަރިވަރުވީއްސުރެ އަޅުގަނޑުމެން ގެ ކިބައިން ފެންނަންވާނެއެވެ. ޒިންމާ އުފުލުމާއި ދީންވެރިވުމާއި ޤައުމުދެކެ ލޯބިވުމާއި ޖަމާޢަތުގެ ގުޅުމަށް ސަމާލުވުމާއި މިފަދަ ކިތަންމެ ކަމެއް އަޅުގަނޑުމެން ދަރިވަރުންގެ ކިބައިން ފެންނަންވާނެއެވެ. 

        ވިސްނަވައިލައްވާށެވެ. ކިޔަވާކުދިންނޭ ކިޔެނީ މަޤާމެއް ލިބުނީމައެވެ. އެއީ ކިޔެވުމަށް ލިބުނު މަޤާމެވެ. ތަރުބިއްޔަތުގެ މައިދާނުން ލިބުނު މަޤާމެވެ. ދަރިވަރަކަށް ވުމާއެކު އެއީ ދަރިވަރެއްގެ ވަޒީފާ ލިބުނު ނަފުސެކެވެ. މިފަދަ ދަރިވަރެއްގެ ފުރަތަމަ ވާޖިބަކީ އެ މަޤާމުގެ ޒިންމާ އުފުލުމެވެ. މުދައްރިސުންގެ ދަރުސުތައް އަހައި ދަސްކޮށް އޭގެ ހުނަރާއި އާދަ ހަރުލެއްވުމެވެ. ނަފުސު ޠާހިރުކޮށް ދަރިވަރުންގެ އަޚުލާޤުގެ އިމުގައި ހެޔޮ ދުޅަހެޔޮކަމެއް ލިބިގަތުމަށް މަސައްކަތްކުރުމެވެ. ވީމާ ދަރިވަރުންގެ ކިބައިން ކިޔެވުމުގެ ޒިންމާ އުފުލާތަން، ހަމަ ގައިމުވެސް ފެންނަންވާނެއެވެ.

        ދިވެހިންނަކީ މުސްލިމު ރައްޔިތެކެވެ.  މީލާދީން 1153 ވަނަ އަހަރުންފެށިގެން އިސްލާމްދީން ޤަބޫލުކޮށް އެ ދީނުގެ މަތިވެރި އަޤީދާގެ މަތީގައި ސާބިތުވެ ތިބި 100 އިންސައްތަ މުސްލިމް ރައްޔިތެކެވެ. އެހެންކަމުން މި ޤައުމުގެ ދަރިވަރުންނަކީ އެ ޢަޤީދާ ހަރުލައި އެއަށް ޢަމަލުކުރާ މާތްކުދިންކަން ޢަމަލާ ބަހުން ދައްކަންވާނެއެވެ. ސްކޫލުދައުރުގައިވެސް ފެންނަންވާނީ އިސްލާމީ މަތިވެރި އާދަތައް ހިފަމުންދާތަނެވެ. މި ދަރިންވެސް ދީންވެރިވާންވާނެއެވެ. ފަރުޟުތައް އަދާކޮށް ސުންނަތަށް އުޅެ، ރިވެތިހާ އަޚުލާޤެއްދަސްކޮށް ޤައުމާއި ރައްޔިތުންނަށް އިސްލާމީވަންތަކަން ދައްކަންވާނެއެވެ. މިއީ ދަރިވަރެއްގެ ފުށުން ފެންނަންޖެހޭނެ ކަމެކެވެ.

        ޤައުމަކީ ކޮންމެ ދަރިވަރަކަށް ވެސް މުހިންމު ގުނަނެކެވެ. އެ ދަރިއަކު އުފަންވި ފަސްގަނޑާއި ނޭވާލައި ފިރުކި ހިނގައި ބޮޑުވި ބިމާމެދު ވިސްނުމުގެ ފިކުރެއް ކޮންމެ ދަރިވަރެއްގެ ކިބައިގައި ހުންނަންވާނެއެވެ. ތިމާގެ ޤައުމަކީ ކޮބައިކަން ދަތުމަކީ ހަމަ އެކަނި ތަނުގެ ނަން ދަސްވުމެއް ނޫނެވެ. ޤައުމު ޤައުމަކަށް ވީގޮތާއި ތަން އަޅުވެތިކުރި ޙާދިސާތަކާއި އެ ކަންކަމުން ޤައުމު މިނިވަންކޮށްދެއްވި ޝަޚުސުންނާއި ކާބަފައިން ވީ ޤުރުބާނީ ދަންނަންވާނެއެވެ. އެހެންކަމުން ދަރިވަރުންނަށްވީތީ ޤައުމު ދަސްކުރުމުގެ ރޫޙު ހުންނަންވާނެއެވެ. އެއީ މުސްތަޤުބަލުގައި ހަވާލުވާންޖެހޭ ތިމާގެ ތަރިކައެކެވެ.

        "މިއަދު ހަމަ ކޮންމެ ކުއްޖަކީ ކިޔަވައިގެން ފާސްތައް ނަގައިގެން ހުރި ކުއްޖެކެވެ. ނަމަވެސް އެ ކުދިންގެ ކިބައިން ކިޔެވި އެެއްޗެއްގެ ސިފަ ހުރި ތަނެއް ނުފެނެއެވެ." މިއީ ޑރ.ޙަސަން ޙަމިދުގެ ފިކުރުފުޅުގެ ޢިބާރާތެކެވެ. އެ ލިޔުމުގައި މާނަކުރައްވަނީ ކިޔަވައިގެން ނުކުންނަކުދިން އެ ކުއްޖެއްގެ ޖަމާޢަތާ އަޅާ ނުލާވާހަކައެވެ. އަމިއްލަ ގެއާއި ގެދޮރު ބެލެހެއްޓުމުގެ ޒިންމާ ނުއުފުލާތާނގައި ޖަމާއަތުގެ މުދަލަށާއި މީހުނަށް އޮންނަންޖެހޭ އަޤަލާއި ކުލުނުވެސް އަދުގެ ގިނަ ކުދިންގެ ކިބައިން ފެންނަކަމުގައި އެއްބަސްވާ މީހުން މަދުވާނެއެވެ. ވީމާ ދަންނަވަންޖެހެނީ މިއަދުގެ ކިޔަވާކުދިން ބޮޑެތިވެ ޢަމަލީ މައިދާނަށް ނުކުންނަދަނޑިވަޅު މި ފަދަ ޝައްކުވާތައްކުރާނޭ ޖާގަ ދީގެން ނުވާނޭކަމުގައެވެ. މި ސިފަ ހުރެގެން ނުވާނެއޭއެވެ. މި ކަންކަމަށް ހޭލައި ތަރުބިއްޔަތުވެގެން ތިބެންޖެހެނޭ ވާހަކައެވެ. މި ކަންކަން ދަސްކުރުމަކީ، އަމަލުން ކުރާތަން ދަރިވަރުންގެ ކިބައިން ފެނުމެވެ. މިއީ ޤައުމުގެ އުފަލެކެވެ.

        ދިވެހިންނަކީ ރިވެތި ނަމަކާއި ޝަރަފެއް ލިބިފައިވީ ބައެއްކަމެވެ. އެއް ދީނަކަށް އުޅޭ އެއް އުސޫލެއް ޤަބޫލުކުރާ އެއް އުޅުމެއްގެ ސަޤާފީ ބައެއްކަމެވެ. އެހެންކަމުން މިއަދުގެ ކިޔަވާކުދިންގެ ކިބައިން މި ކަންކަން ފެންނަންޖެހޭނެއެވެ. ދީންވެރިކަމާއި އިޚުލާސްތެރިވެ ކިޔަވާކަމާއި ޒިންމާ އުފުލުމުގައި ސާބިތުވެ ހުރިކަން ދައްކަންވާނެއެވެ. އަޅުގަނޑުމެންގެ އުސޫލުތަކާއި ޤަބޫލުކުރުންތައް ދަސްކޮށް ސްކޫލުގެ އިމުގައި ތަރުބިއްޔަތުވާފަން ފެންނަންވާނެއެވެ. އަޅުގަނޑުގެ ދުޢާއަކީ އަދުގެ ދަރިވަރުންގެ ކިބައިން މި ސިފަތައް ފެނިގެންދާނޭ ނަފުސެއްކަމުގައި ދިވެހި ކޮންމެ ދަރިވަރަކު ލެއްވުމެވެ. (ނިމުނީ)