ލޮބުވެތި އެދުރުންނަށް ސާބަސް Lobuvethi edhurunnah saabas

ލޮބުވެތި އެދުރުންނަށް ސާބަސް

އާދަމް ޒާހިރު

މިއީ މުދައްރިސުންގެ ދުވަސް 2018 ގެ މުނާސަބާގައި އުފެއްދި ބަނދިބައެއް

އައްސަރިބަސް ގިނަ ސާބަސް ހިތުގެ ފުނުން ހެޔޮ ސާބަސް ތަރުބިއްޔަތު ދަރިވަރުނަށް ދެއްވާތީ މާތް އެދުރުން މިއުފާވެރި ފާހަގަވާ ދުވަހުގެހެޔޮ އެދި ކިޔަމޭ ދަންނަވަމޭ ހެޔޮ ސާބަސް ޝުކުރާއެކުގައި އެދުރުން އަކުރާފިލި ދަސްކޮށްދީ ކިޔުމާ އެކު ލިޔެ ޖެހުމާ މާނައިގައި ހުރި ގޮތްފޮތް ދަސްކޮށްދިން ތީ އެދުރުން ﷲ އާ އި ރަސޫލާ އިސްލާމީ މާތް އުޅުމާ އަންގައި ދީން ދަސްވާހެން ބުނެދެއްވީ ވެސް އެދުރުން އުޅުމާ ގުޅުމާ އޮތްކަން ރަހުމާ އިހުސާން ވާކަން އީމާ އިސްލާމް ވިރުކުން ބުނެ އެންގީ ހަމަ އެދުރުން

މައިންނަށްވީ ދޭން ޙައްޤާ ބައްޕައިންނަށް ހުރި ޙައްޤާ ލޯތްބާ ކުލުނާ ގުޅުވައި ދަސްކުރުވީ ތިޔަ އެެދުރުން ހުނަރެއްނަމަ ޢިލްމުންވީ ތަޢުލީމާ ދަނޑުފަގުވީ ވަޠަނަށް ކުރުމަށް ހުރިކަން ދައްކައި ބުނެލީ އެދުރުން ބޭބޭ ދައްތާ ގެގުޅުން ކާފާ މާމާގެ ގުޅުން އެކުވެރި އަޚުވަންތަ ގުޅުން ދެއްކީވެސް ވީ އެދުރުން ޤައުމިއްޔަތު އޭކޯޗެއް މިނިވަންކަން މީ ކޯޗެއް ވަޠަނަށް ހެޔޮ ހޭލައްވައި ވިސްނައިދެއްވީ އެދުރުން އިހުވީގޮތް ތާރީޚުން އަދު ވާގޮތް ލޮލުކުރިއިން ވާނޭގޮތް ފަހެ މިލެކުން ދަނެތިބުމަށް ބުނި އެދުރުން

އެދުރުންނީ އެދުރުންނީ ބުނެދެއްވާ ދަސް ދެއްވާ ގޭތެރެއިން ބޭރުންވެސް އެކުގައިވާ ހާ އެދުރުން މަންމާއީ މާތް އެދުރެއް ބައްޕާއީ އިސް އެދުރެއް އެކުުވެރިނާ ގާތް މިތުރުން ދަސްކޮށްދޭ މީ އެދުރުން ޢަމަލުން ކަންކަން ދައްކައި އަމުރުން ކަންކަންކުރުވައި އިސްކޫލުން ޓީޗަރުނާ ތަރުބައިގައި އޭ އެދުރުން ލައްވާނދޭ ހެޔޮ ގޮތްތައް ނިޢުމަތް މާތް ގޮތުގައިވީ ﷲގެ  ރަޙުމަތުގައި އެދުރުންނަށް ވީ އެދުރުން ޝުކުރާ ގިނަ ތަޢުރީފާ އައްސަރިބަސް ސާބަސްދެން ހިތުގެ ދިރުން ފަދަ އެދުރުން ލޯތްބާއެކު ވީ އެެދުރުން

 (ނިމުނީ)